偷閒燒烤樂

好耐都無同呢班姐妹出去玩玩了…襯住佛誕有日假期就去左西貢BBQ，

不過當日好熱，燒左一陣，就走左去滿記食糖水lu!!

你睇佢…又大左啦！

對比一下出世時個樣，同七個月後…

手指好好味！

當除下手襪仔的時候，呢個小朋友就起勢敢將自已的手指放入自已個咀到不停啜，右手換左手，左手換右手，有時換到自已都亂晒，攪到D手指打晒結，看見他當時的情況，唔知以為他好耐無食過野！好鬼好笑ka！

The Pursuit Of Happyness

好好睇…Will Smith 果然無令我失望!!

嘉年華

終於去左今年既嘉年華la..玩左個 G-Force，好刺激呀! 不過要排成兩個鐘頭隊，而且仲要淋住雨排…慘！ 機動遊戲方面其實唔係玩左好多，只係玩左兩款，基本上玩完第一個已經想毆想毆敢，此終年紀都唔細la...反而攤位遊戲就玩得多D，但收獲就認真麻麻，好彩最後都贏番隻亞寶。

無得考試

由於右手受左傷既關係，最後我都考唔到個強制試。依家要等到四月廿三號先可以再考。傷口已經好得七七八八，依家最擔心係有疤痕，因為都幾深同幾長，好礙眼！

張小B

張小B三個幾月la…係咪大個左好多呢？上星期四第一次同佢出街，去左APM影相，我發覺佢好鍾意望住D燈，可以望到定晒。

考試啦！

轉眼間已經上完三堂強制課程，三月八號就要考強制試啦…好緊張呀！到依家為止都未完全掌握到點控制架車。上星期去考試場地補左一個鐘，結論係如果我再唔補多幾個鐘的話，我肯定唔pass…好擔心呀！

新年快樂!!

張小B滿月之喜

張小B

快將一個月大的張小B已改名為張家浚，BB仔個樣真係變得好快，每個星期見都有D唔同，上星期發覺D頭髮變左金毛，前兩日見佢發覺頭髮長左，但仍然可以保持住"碧咸頭"，唔通碧咸係亞B個偶像?

努力呀姊妹!

又一個姊妹脫離我地快樂小女警行列啦！今次仲要係最有潛質做幫辦0既Catherine添，無啦依家！我地班唔會再有人升到幫辦 ka la。

Catherine依家已經飛左去波士頓讀書喇，佢就好啦，可以做到佢想做o既野。俾心機呀姊妹，你話會盡情地融入當地生活，好好享受呢幾個月吧！等你返黎再去旅行。

考電單車牌

考慮左咁多年終於上星期的起心肝打電話去駕駛學院報名。全程五仟幾蚊，都算抵掛！當然最擔心我的那個人就係我娘親，佢仲話諗起都驚，不過今次我係先斬後奏，報左名先同佢講。爸爸就只係問左我一個問題 :"你有無睇過一個廣告…停一停、諗一諗"，好明顯佢驚我三分鐘熱度。

契仔出世了

=> 出世三小時後



















=> BB's Daddy














=> 第三日膽紅素過高，要照燈，好可憐呀！

大舊 II

大舊 : 今日正當我嘆緊世界之際，又俾亞詩同埋佢班同事發現左，走過黎騷擾我，真掃興！人地本來係四腳朝天晒緊太陽咖！

大舊

大舊 : 我係一隻花貓，家住愛民村一間藥房，每次亞詩去愛民村食早餐必定會經過我屋企，佢每次都會走過黎同我玩，不過我唔係次次都睬佢，有時心情唔好我仲唔望佢添！佢成日都偷影我咖，我都唔理佢gei，我仲會拎轉面唔望鏡頭添，咪由得佢影lor。係呀，我係好串咖！吹咩!

意大利情緣

擒晚收工過左灣仔學呢個蛋糕，今次呢個蛋糕唔覆雜、唔難。主要做兩樣野，首先做個心型puff， 跟住釀 D tiramisu入個puff裡面，再加裝飾便可。不過如果一開始做個puff時做個心型做得唔好，就會影響成個cake，因為焗完會無左個心型，成件事就錯晒！

水蜜桃

呢幾日食左兩個好好味既水蜜桃..第一日食第一個既時候感覺好爽;今日食第二個既時候感覺好淋..雖然有兩種唔同既感覺但都好好味…可能係因為”貴”既關係吧! 最近街市賣梗$28 – 40 /個咖!! 多謝Eva請我地食 !

夕陽無限好

今晚出街食飯時行出lift口等lift發現原來慈雲山既日落景色係禁靚!

喜帖

擒日收到Andy (中學同學) 既請帖，佢今年十月結婚啦! 呢”隻”請帖係我收禁多年帖以來第二個驚喜；成個design 都好似盒CD；打開個盒裡面裝住幾張圓形咭紙；其中一張上面印有一個用M同A組成既logo，即Michelle同Andy，一睇就知係Andy自已design。身為一個designer，自已結婚隻請帖設計豈能假手於人!

冬陰功杯麵

自從上次0係泰國食過之後，呢兩個月以來我都好掛住佢。so far我o係香港仲未見到佢呀，如果有人去開泰國可唔可以幫我買呀？supermarket 有得賣 ka，只不過兩蚊港紙一個咋!

法國歌劇院蛋糕

好耐都無出去學整蛋糕了，剛過去的星期六同彭小姐出去學左個"法國歌劇院蛋糕 (OPERA)"。今次呢個蛋糕其實唔難整；但係實在太多步驟，全個蛋糕一共有九層，相信如果自已要再整的話；淨係洗野都有排洗！

今次呢個製成品最終我送左俾亞茵做生日禮物，因為當晚剛好約左班中學同學為她慶祝生日，好彩全部人都讚個蛋糕好食，如果唔係真係失禮街坊。

SONY DC W1

今日放工同亞豐落左旺角，終於將我部心愛的相機賣左，不過只能賣到七百蚊。好多人問我點解要賣？其實原因有以下幾點：1) 我怕遲D賣就再唔值錢；2) 我最近跌過部機，仲整凹左少少；3) 有人笑我部機厚；4) 我想換機!!

插花班

Miss 左兩堂，先上第一堂真係有D吃力。老總問我點解走去學插花？仲話係咪覺得學左插花會認為自己"Well" D！咁我見無所事事咪走去學下插花law....唔通一日到黑都打麻雀咩！

今堂學日式插花，個Miss講得好生鬼，無悶場，好易明!

達文西密碼

HOLY SHIT!! What are you talking about? 兩個幾鐘裡面，我真係好比心機看 ka，咁真係唔明嗎！可能我無睇過本小說la.....好彩詩韻都話唔明；如果唔係我又以為自已好鬼蠢。

望夫石

終於行到上舊石到...








行出D睇下先....





點知返轉頭先知"領"野.....




詩韻,你行先...我跟你尾








點呀......?









好驚呀!.....詩韻救我呀!








笑死我都未行到返去






攪掂 !

深圳/東門之旅

返三日放三日…的確好緊要。在這三日假期裡面，其中一日我就同左冰姨、Andrew、詩韻&Circle北上尋歡。當日一早十點幾過左關我地就去左搭深圳MTR；我第一次搭所以覺得好新奇，佢地唔係用地鐵飛；而係用一個好似籌碼的物體當車票(見圖)。我地搭地鐵去到"大劇院"站的萬象城，裡面有一間裝潢非常靚的"王子國宴飯店"，我地就在此處飲茶，邊飲邊看大銀幕不停播放的 fashion show感覺好新鮮。

飲完茶我地就搭的士去東門行街，行左無幾耐Circle個購物袋已經 full 左了！哈哈! 行完街我地就去左修甲，終於整左我想整好耐的Gel甲，Gel手甲連修腳都只係一百蚊，真係抵抵抵呀！

晚餐去左近排人氣超勁的"中森名菜"食日本菜，不能不提的係佢地本大menu…大到呀…好攪笑!

飯後再到羅湖商業城行左轉…無收獲。是日行程完畢！

趣聞 ： 路經東門街頭，見一正售賣切菜器之地攤；攤檔上有張咭紙寫住"偷聽器"，我地望勻都唔知邊到有"偷聽器"？！